«Бер очрашу - бер гөмер» мәдәни-күңел ачу программасы
Хәзерге авыр һәм тотрыксыз заманда сәламәтлеген югалткан һәм өлкән кешеләргә бик кыен. Аларга җылы сүз һәм ягымлы караш , тере аралашу җитми.
“Мәрхәмәтлелек үзәге” тернәкләндерү бүлегендә өлкәннәрне бай күңел ачу программасы көтә. Танылган язучылар, артистлар, күренекле шәхесләр белән очрашулар биредә бик еш үткәрелә.
Бүген тернәкләнү үтүчеләр янынына Барс-Медиа компаниясе композиторы, танылган артист , хит булып өлгергән “Мәхәббәт булмаса дөньяда” җыры авторы, “Нечкәбил” конкурсы финалисты-Гөлсинә Акбитова килде. Ял итүчеләр бик рәхәтләнеп аның белән аралаштылар, Гөлсинә ханымның иҗаты тарихы, җырлар язу стиле , кайбер җырларның иҗат ителү тарихын тыңладылар.
Очрашу тәмам. Өлкәннәр Гөлсинә ханым белән ретро-җырлар башкардылар, үзләрен кызыксындырган сорауга җаваплар алдылар. Соңыннан истәлеккә фотога тоштеләр.