«Буяулар һәм аларның үзлекләре. Буяуларны классификацияләү». «Веста» Үзәге.

2018 елның 17 октябрендә «Парикмахер эше» хезмәт белән тернәкләндерү кабинеты эше кысаларында «Веста» Үзәгендә «Буяулар һәм аларның үзлекләре. Буяуларны классификацияләү» дип аталагна темага чираттагы дәрес үтте. Максат: чәч буяу өчен кулланыла торган  төрле буяу төрләрен өйрәнү.

Әлеге дәрестә катнашучылар теләсә нинди буяулар ике өлештән тора: буяуның төсләрен билгеләүче пигмент һәм әлеге кисәкчәләрнең кушылуын тәэмин итүче элемтәче була икәнен белделәр. Катнашучылар шулай ук буяуларның 4 төркеме белән таныштылар-бу ачык төсләргә кертүче яки агартучы буяулар; химик буяулар; шампуньнәр, пенкалар, бальзамалар, чәч чайкагычлар; үсемлек буягычлары. Видеороликны карау барышында катнашучылар чәчләрне буяуның заманча алымнары барлыгын ачык күрә алдылар. Мәсәлән, бүгенге көндә популяр булган мелирование, колорирование («мәрмәр», блики, «далматин», «триада», «шарп», «контур» һ.б. техникалары), тонирование, аларның характеристикаларын һәм башкару ысулларын белделәр.

Киләсе дәрескә белгеч чәч буяу буенча алган белемнәрне модельләрдә сынап карарга тәкъдим итте.