Югары- Утар акылга зәгыйфь булган балалар йорты интернатында «Көз- чибәркәй» дип исемләнгән шөгыль үткәрелде.

1 октябрь көнне Югары - Утар акылга зәгыйфь булган балалар йортында тәрбияче Хәбибуллина Г. Р. «Көз - чибәркәй» дип исемләнгән шөгыль үткәрде. Максат: балалрның иҗади сәләтләрен үстерү, авыл хуҗалыгы хезмәтенә хөрмәт һәм кызыксыну уяту, икмәккә мәхәббәт, хезмәт кешесенә хөрмәт тәрбияләү. Һәр фасылның үз матурлыгы бар. Кыш үзенең ак карлары, яз - тезелешеп кайткан киек казлары белән матур. Җәйнең йөзен аллы-гөлле чәчәкләр бизи. Ә көз? Алтын көз! Исеме дә әнә нинди матур яңгырый. Болай әйткән вакытта без табигатьтәге буяу-бизәкләрне генә күздә тотмыйбыз. Көзнең алтынлыгы, аның муллыгы һәм күркәмлеге көзге муллык белән билгеләнә. Бүгенге шөгылебез кызыклы уеннар һәм төрледән - төрле конкурслар белән үрелеп барды. Моңсу да, шул ук вакытта куанычлы да ул көз. Җәй тәмамлану моңсулык тудырса, мул уңыш шатлык китерә.