«Хәрәкәт әлифбасы» дигән төркемле дәрес "Веста" Үзәге
2018 нче елның 19 нчы сентябрендә «Сәламәтлек баскычы» программасы кысаларында «Веста» Үзәгенең социаль эш буенча белгече Ләйсән Сунеева сәламәтлекләре буенча мөмкинлекләре чикләнгән балалар һәм аларның ата-аналары өчен «Хәрәкәт әлифбасы» дигән төркемле дәрес үткәрде. Максат: баланың вестибуляр аппаратын, аның хәрәкәт активлыгын һәм хәрәкәтләр координацияләүне үстерү.
Дәрес «Борыл - һәм ялгышма» күнегүе белән башланды. Балалар бер - берсеннән бер адым аралыгында тордылар, күзләрен йомдылар һәм түбәндәге күнегүләрне ясадылар: сулга һәм уңга борылдылар, як-якка борылдылар, артка адымнар ясадылар. Күнегүләрне башкару авыр булган балаларга белгеч яки ата-ана ярдәм итте. Дәрес туп белән хәрәкәтчән уеннар уйнау белән тәмамланды: әни һәм бала тупны бер-берсенә тәгәрәтте, аннары әни тупны өстән ыргытты, ә бала астан алды һәм барлык күнегүләорне дә киресенчә эшләделәр.
Дәрес дәвамында катнашучылар активлык күрсәттеләр. Алар вакытны күңелле һәм кызыклы үткәрделәр һәм бик канәгать калдылар. Ата-аналар белгечкә кызыклы шөгыль өчен рәхмәт сүзләре җиткерделәр.