Сарман районы "Шәфкатъ" үзәге: "Республика тасмасы" акциясы

   Республика көне уңаеннан,  Волонтерлар елы кысаларында, Сарман районы “Шәфкатъ” үзәге базасындагы “Волонтер” иреклеләр берләшмәсе һәм “Җиңү Волонтерлары” бүлегенең активистлары “Республика тасмасы” акциясын оештырдылар. Алар халыкка яшел-ак-кызыл төсләрдән торган Татарстан флагы рәвешендәге тасмалар өләшеп йөрделәр. Балалар һәм зурлар арасында сораштыру үткәрелде, мәгьлумати белешмәлекләр таратылды.

   Волонтерлар сүзләренә караганда, яшел төс – өмет символы, кызыл төс көч, энергия, куәт, кайвакыт зирәклек һәм тормыш тәҗрибәсе бирә. Ә ак төслесе ниятләрнең ак булуын, Татарстан халкының күтәренке кәефен һәм тынычлык, килешеп яшәүгә омтылуын символлаштыра.