Югары -Утар акылга зәгыйфь балалар йорты интернатының “Шәфкатьлелек” бүлегендә “Сәламәтлек сәгате” дип исемләнгән саф һавада уздырылган шөгыль

Шөгыльнең максаты:балаларга сәламәтлекне саклау һәм ныгытучы чаралар турында мәглүмат бирү, гигиена кагыйдәләрен саклау күнекмәләрен ныгыту. Бурычлар: сәламәтлеккә зыян китерүче факторлар турында балаларның белемнәрен арттыру, танып-белү, күзаллау, хәтерләрен үстерү. “Саф һавада йөрү бик файдалы” дигән төшенчәне еш ишетергә туры килә. Бу чыннан да шулай. Тәрбияче, иң элек, саф һаваның файдасы турында сөйләде, саф һавада йөрү авыруга каршы торучанлыкны арттыра, төшенкелеккә бирелүчәнлекне киметә, хәтерне, йокыны яхшырта. Аннан соң, саф һавада күнегүләр ясадылар. Җылы кояш, саф һава балаларга көч һәм куәт өстәде.