Бездә бүген бәйрәм!
“Бездә бүген бәйрәм!”
25 июль 2018 ел.
Бүген 25 июль көнне Мөслим картлар һәм инвалидлар интернат-йортында яшәүчеләр өчен татар халкының “Сабантуй” бәйрәме үткәрелде. Бәйрәм интернат территориясында,саф һавада узды.
Бәйрәмнең максаты: Татарстан халыкларының бай мирасын үстерү һәм ныгыту, гореф-гадәтләрне онытмыйча саклау.
Сабантуй бәйрәм матур котлау сүзләренннән башланып китте. Интернатның тормышында актив катнашканнарга дипломнар, грамоталар, бүләкләр тапшырылды. “Иң чиста бүлмә” конкурсының нәтиҗәләре ясалды- махсус бүләкләр, грамоталар бирелде. Сабантуй программасы уеннарга, ярышларга бик бай иде. Зур теләк белән социаль хезмәтләрдән файдаланучылар барлык әзерләнгән уеннарда , ярышларда актив катнаштылар.Тугаш авылыннан килгән яшь артистларыбыз - Зилә Габдуллина һәм Эльза Хисамиева бәйрәмне җыр-моңга төрделәр. Мөслим картлар һәм инвалидлар интернат-йорты хезмәткәрләренең вокаль ансамбле чыгышы да бәйрәмгә ямь өстәде. Барлык бәйрәмдә катнашучылар исеменнән артистларыбызга рәхмәт белдерәбез!
Бәйрәм бик матур үтте! Күңелләргә яхшылык, матурлык өстәде!