Эш ләззәтлек бирә
Җәй уртасы – җиләк-җимеш һәм иртә сортлы яшелчә культуралары өлгерә торган вакыт. Июль аендагы эш, үз хезмәтеңнең нәтиҗәләрен күрү һәм беренче уңыш җыю белән ләззәтлек бирә.
Федоровка өлкәннәр һәм инвалидлар өчен интернат-йортында социаль хезмәт алучылар «Гарденотерапия» һәм «Гаилә дәүләт Советы» шефлык ярдәме юнәлеше буенча технологияләр кысаларында яшелчә культуралары, җиләк-җимеш үстерәләр, аларны шатланып карыйлар. Бу эшнең максаты – өлкән яшьтәге кешеләрнең үзләрен кирәкле һәм файдалы итеп тою. Эш физик һәм психик халәтне яхшырта.
Социаль хезмәтләр алучысы Анатолий Бутлеровский көн саен үзенең җиләк-җимеш уңышын җыя. Ул иртә яздан үз участогында эшли, анда елдан-ел җир һәм кура җиләгенең мәйданы киңәя. Ә социаль хезмәтләр алучысы Мансур Исхаков яшелчә культуралары үстерергә ярата. Аның участогында помидор, кыяр һәм бәрәңге үсә. Ул көн саен яшелчә культуралары карау өчен вакыт сарыф итә.
Интернат-йорт хезмәткәрләре читтә калмыйлар, бүген алар өмә оештырдылар, территорияләрне төзекләндерү, үсемлекләр һәм чәчәкләр карау белән мәшгуль булдылар.