Гаилә көненә багышланган иҗади бәйрәм
14 май көнендә «Гнездышко» приютында Гаилә көненә багышланган иҗади бәйрәм узды.
Чараның максаты: гаилә иҗатын, гаилә һәм приютның хезмәттәшлеген, балаларда әти-әниләргә карата мәхәббәт һәм ихтирам хисләрен үстерү.
Бәйрәмдә тәрбияләнүчеләр һәм аларның әти-әниләре катнашты. Балалар үз гаиләләре турында, гаиләнең традицияләре, гореф-гадәтләре турында сөйләделәр, әти-әниләре белән берлектә «Гаилә ул – ил терәге! Гаилә ул – гомер чишмәсе!” дигән стенд рәсмиләштерделәр. Балалар әти-әниләренә багышлап, шигырьләр укыдылар, рәсем ясадылар.
Шуннан иҗади остаханәдә әниләр кәгазьдән чәчәкләр ясау технологиясе белән таныштылар һәм балалар белән берлектә панно ясадылар.
Бәйрәм ахырында балалар әти-әниләренә үз куллары белән башкарылган открыткалар бүләк иттеләр.
Бәйрәм бик күңелле узды. Ә балаларның күңелендә иң мөһим фикер урнашты: бәхет ул – нык, тату, ышанычлы гаилә.