Алабуга «Доверие» узәгенең белгечләре муниципаль форумында катнаштылар

Алабуга районының “Доверие” халыкка социаль ярдәм күрсәтү үзәгенең гаилә һәм балаларга социаль ярдәм күрсәтү бүлеге белгечләре “Тату гаилә” Федераль партия проекты кысаларында “Тату гаилә - уңышлы киләчәк гарантиясе” дип аталган муниципаль форумда катнашты. Форум программасы тәрбия процессында катнашучы һәрбер кешене берләштерде: укытучылар, белгечләр, ата-аналар комитетлары һ.б. Дискуссион мәйданчыклар бала тормышының актуаль аспектларына: тирә-ягындагы кешеләр белән аралашуы, мәктәптә үз-үзен тотышы, интернет челтәренең бабаларга тәэсире һәм башка бик күп кызыклы темаларына багышланды.

     Үзәк белгечләре “Балалар һәм яшүсмерләрнең деструктив үз-үзен тотышын кисәтү” мәйданчыгында актив катнашты. Мәйданчыкны Алабуга муниципаль  районының прокурор ярдәмчесе Салахутдинова А.Н., балигъ булмаганнар эшләре һәм аларны яклау буенча комиссиянең җаваплы сәркатибе Маркина И.Ю.,  “Шанс” психолого-педагогик, медицина һәм социаль ярдәм үзәге” директоры Корочкина С.В. алып барды. Форум белгечләрнең белемен арттыру, белемнәре белән уртаклашу өчен яхшы чара булып торды.