9 Май көнне Сарман районы “Үлемсез полк” акциясенә кушылды. Сарман районы “Шәфкатъ” үзәгендә эшләп килүче “Волонтер” иреклеләр оешмасы вәкилләре, “Җиңү Волонтерлары” “Үлемсез полк” йөрешен озата бардылар. Әлеге Бөтенроссия акциясе Совет халкының Бөек Ватан сугышында күрсәткән батырлыкларын мәңгеләштерү максатыннан оештырыла. Ике йөздән артык кеше үзләренең әби-бабайларының якты истәлеген искә алырга чыкты. Әлеге традиция озак еллар дәвам итәр дип ышанып калабыз.