“Эко-яз-2018” республика акциясенә кушылдылар.

Яз - табигатьнең уяну чоры, шул ук вакытта әйләнә –тирәлекне чистарту вакыты да ул. Бүген приютта тәрбияләнүчеләр Антонина Иванова җитәкчелегендә өмәгә чыктылар. Алар приют террриториясен чүп-чардан, ботаклардан арындырдылар, сукмакларны себерделәр.Язгы кояш үзенең җылы нурлары белән балаларны сөендерде, эшләргә дәрт өстәде. “Үз хезмәтеңнең нәтиҗәсен күрү-икеләтә шатлык. Приют территориясе чисталыктан әллә кайдан балкып тора бит”,-дип сөенеп сөйли тәрбияче Антонина Иванова.