Европа иммунизация атналыгы кысаларында врач белән очрашу. Әтнә районы "Изгелек" үзәге

28.04.2018 е. “Изгелек” халыкка социаль хезмәт күрсәтү үзәгендә Әтнә үзәк район хастаханәсе табиб-эпидемиологы Гыймадеев Азат Фердинант улы белән очрашу узды. Ул 23 апрельдән 29 апрельгә кадәр  “Вакцинация – ул хокук кына түгел, ә коллектив бурыч!” лозунглары астында узучы Европа иммунизация атналыгы турында сөйләде. "Инфекцияләрдән саклану өчен прививка ясатырга тиешбез, дигән кагыйдәне һәркемнең аңына җиткерү – Европа иммунизация атналыгының төп максаты” дип ассызыклады. Презинтацион күрсәтмәлекләр белән таныштырды. төрле инфекция авыртулары турында мәгълүмат җиткерде. Хезмәткәрләргә буклетлар өләшенде, кызынсындырган сорауларына җаваплар алынды. Очрашуда барысы 17 кеше катнашты.