Югары Утар акылга зәгыйфь балалар йорты – интернатының “Шәфкатьлелек” бүлегендә “Күңелле шарлар” дип исемләнгән шөгыль.

Шөгыльнең максаты: балаларның тоеп-сиземләвен, хәрәкәт координациясен үстерү, мускул тукымаларын ныгыту, сенсор системасын стимуллаштыру, зурлык, форма, төсләр турында белемнәрен баету. Шөгыль барышында балалар кунакка килгән куянкай белән таныштылар. Алар бергә шарлар тәгәрәтте, зурлык, форма һәм төсләр өйрәнделәр. Балалар, бигрәк тә, тәрбияче ярдәмендә ясалган массаж һәм күнегүләрне яраттылар. Балалар бик канәгать калдылар.