“Юлдашлылар” Пасхага әзерләнә
Православия динен тотучылар Пасха бәйрәмен язгы көн-төн тигезләнүгә, һавадагы айның торышына карап, һәр елны төрлечә – 4 апрельдән 8 май араларында бәйрәм итә. Христиан дөньясында Христос терелеп тору көне бик зурлап уздырыла.
Бүген “Чистай шәһәренең картлар һәм инвалидлар интернат-йорты “Юлдаш”та Пасха бәйрәме уңаеннан табигый материаллардан такыя ясау мастер-классы узды. Аны тәрбияче Людмила Валентин кызы Замалетдинова уздырды. Дәрес барышында гади каен ботакларыннан такыялар үреп, аны чәчәкләр, тал песиләре, төрле төстәге тасмалар белән бизәделәр. Шул ук вакытта мастер-класс барышында Пасха бәйрәменең тарихы, аны бәйрәм итү традицияләре, уздыру йоласы, гореф-гадәтләре искә алынды.
Мастер-класстан соң, һәр кеше үз эшеннән канәгатьләнеп, ясаган такыясына сокланып, истәлеккә күмәк фотога төштеләр.