«Авыруларны җиңәр өчен барлык мөмкинлекләрдән дә файдаланырга кирәк» дигән -слайд-экскурсия
Яр Чаллы шәһәре “Изгелек” инвалидларны тернәкләндерү үзәгендә 1 нче филиал китапханә китапханәче Ләйсан Мартынова «Авыруларны җиңәр өчен барлык мөмкинлекләрдән дә файдаланырга кирәк» дигән темага слайд-сәяхәт үткәрде. Чарада 29 кеше катнашты.
Чараның максаты: социаль хезмәт алучыларның сәламәтлек проблемаларына һәм сәламәт яшәү рәвешенә игътибарын җәлеп итү иде.
Китапханәче слайд-презентация ярдәмендә «Татарстанның дару үләннәре» яшел даруханәләр дөньясына кыскача экскурсия үткәрде. Социаль хезмәт алучылар үлән һәм җиләк-җимеш чәйләрен ясау серләре белән уртаклаштылар. «Безнең сәламәтлек - безнең кулда» дигән фильм аша социаль хезмәт алучылар сәламәтлекне саклау ысуллары турында белемнәрен киңәйттеләр. Чарада «Сәламәтлек турында кайгырту – иң яхшы дару» дигән китап күргәзмәсе дә оештырылды.
Онытмагыз: Сезнең сәламәтлек – ул һәр көнне сезнең тормышыгыз. Сәламәт булыгыз!