Казан Мәрьям Ана иконасы кафедраль соборына Экскурсия

2018нче елның 3 август көнне «Татарстан Җөмһүрияте Әлмәт муниципаль районындагы Татарстан Җөмһүрияте халыкны хезмәт, эш белән тәэмин итү һәм иҗтимагый яклау Министрлыгы ««Кайгырту» халыкка иҗтимагый хезмәт күрсәтү комплекслы үзәге» ДАХИХКУсе хезмәткәрләре православие дине әһелләре белән берлектә балигъ булмаган иҗтимагый ярдәм алучылар өчен экскурсия оештырдылар. Соборда экскурсия барышында Илья атакай яшүсмерләр белән агрессия, көчләү һәм үтерү күренешләренә диннәр мөнәсәбәтләре турында һәм түземлелек тәрбияләү турында сөйләште; бу безнең чорда, планетабызның төрле почмакларында барган террорлык актлары турында аеруча мөһим. Илья атакай христиан диненең нәрсәгә нигез салуына һәм нәрсәгә нигезләнүенә басым ясады: бу барлык диннәргә дә ихтирамлы мөнәсәбәт.

2000нче елның 8 октябрендә Әлмәт шәһәре администрациясе Казан Мәрьям Ана иконасы хөрмәтенә чиркәү төзү өчен җир кишәрлеге бүлеп биргән. 2007 елның 29 августында гыйбадәтханә төзелеп бетте. Собор өчен кирәк-ярак сатып алынды һәм уникаль фарфорлы иконостас урнаштырылды. Әлеге зур ике тәхетле собор ике каттан тора (югары гыйбадәтханә Мәрьям ана Казан иконасына, ә түбәнгесе – изге хатын-кызларга багышланган) Идел буенда иң зурлар рәтенә керә. Өске гыйбадәтханәдә генә дә сыйдырышлык меңнән артык кешене тәшкил итә. Соборның беренче катында чиркәүдән тыш, Якшәмбе мәктәбе, Аш бүлмәсе, ярдәмче бүлмәләр бар. Чаң манарасы иң зуры 1350 кг тәшкил иткән 11 кыңгыраудан гыйбарәт.

Экскурсия «Үзеңне гадәттән тыш хәлләрдә ничек тотарга» дигән буклетлар тарату һәм Илья атакайның сентябрь аеннан башлап барлык теләүчеләрне фикер алышу өчен әңгәмәләр оештыру өчен кабул итәчәк атналык очрашуларга чакыруы белән тәмамланды.

Соңгы яңарту: 2018 елның 21 октябре, 23:42