19.04.2019 ел - Туган якны өйрәнү музеена экскурсия

     Туган якны өйрәнү аша гражданлык хисе тәрбияләү максатыннан, 2019 елның 19 апрелендә гаилә һәм балаларга социаль ярдәм күрсәтү бүлекчәсе белгече Баһавиева А. И. һәм социаль педагог Мөхәммәтҗанова А.А. “Әтнә районы туган якны өйрәнү музеена” экскурсия оештырдылар. Чарада бүлекчәдә исәптә торучы 10 бала катнашты. Экскурсия Татарстан Республикасының архитектура, мәдәният мирас исемлегенә кертелгән һәйкәлләрнең берсе булган Даутовлар йортын караудан башланды. Йорт XIX гасырның икенче яртысы-  XX гасыр башында төзелгән. Революциядән соң йорт хуҗасы гаиләсе белән сөргенгә сөрелгән. 2010 елдан биләмә музей буларак кулланыла башлаган. Биредә Әтнә районы туган якны өйрәнү музее фонды урнашкан. Мондый экскурсияләр балаларда туган якның тарихын өйрәнү аша туган җиргә мәхәббәт тәрбиялиләр.